Berakruz ikastolako DBH2ko ikasle talde bat gara eta aurtengo urtean, teknologiako klaseetan, erronka berri bat izango dugu eskuetan, Greenpower proiektua da hain zuzen ere.
Baina zer da Greenpower?
Proiektu honen helburua, umeak empresa mundura hurbildu eta gaur egun oraindik guretzat hain ezezaguna den mundu hori hurbilagotik ezagutzea da.
Eta zer egin behar dugu proiektu horren barruan?
Kid´s kid car delako auto bat eraiki behar dugu.
Nola egingo diogu aurre erronka honi?
Klasean 30 ikasle garenez eta muntatzeko bi auto, 15 laguneko bi taldetan banatuko gara. Talde bakoitza aldi berean beste talde txikiagotan banatuko gara lana aurrera eraman ahal izateko. Talde horiek FINANTZAZIOA, MARKETING-A, ERAIKUNTZA eta KARROZERIA izango dira eta ikasle denok izango dugu talde guztietatik pasatzeko beharra.
Autoa muntatuta eta prest dagoenean, ikastolen arteko F24 kategoriako lasterketetan parte hartzeko aukera izango dugu.
Beraz, ikus dezakezun bezala, arlo asko ikutu, landu eta ikasteko aukera paregabea daukagu aurretik.
Comments